Senior Internasionale Reiskonsultant

Ons kliënt, ’n gevestigde en groeiende internasionale onderneming binne die wild- en safaribedryf, is op soek na ’n ervare en hoogs professionele Senior Internasionale Reiskonsultant om hul span te versterk in ’n voltydse, werk-van-die-huis-rol.

Hierdie pos bied die geleentheid om met ’n internasionale kliëntebasis te werk en premium safari-ervarings te help beplan en koördineer, met ’n sterk fokus op kwaliteit, detail en wêreldklasdiens.

Kernverantwoordelikhede:

• Bestuur en koördinering van internasionale reisbesprekings en kliënte-ervarings
• Hantering van alle kommunikasie met internasionale kliënte
• Gebruik van Amadeus en ander platforms vir vlug- en reisbesprekings
• Administratiewe bestuur en dokumentasie van reisroetes en logistiek
• Fakturering en basiese finansiële administrasie
• Samewerking met lodges, plase, logistieke vennote en ander rolspelers
• Verteenwoordiging van die maatskappy by internasionale reis- en handelskoue

Minimum Vereistes:

• Minimum 10 jaar ervaring as Reiskonsultant
• Minimum 5 jaar praktiese ondervinding met Amadeus Lugbespreking sagteware
• Goeie kennis en blootstelling aan internasionale reis en toerisme
• Uitstekende kennis van Afrika Safari Toerisme en bemarking
• Bo-gemiddelde vaardigheid in Microsoft Office
• Gevorderde kennis van cloud-gebaseerde stelsels en kommunikasie sagteware
• Basiese vaardighede in fakturering en finansiële bestuur
• Vlot in Engels (’n Europese taal sal ’n sterk voordeel wees)
• Moet professioneel en verteenwoordigend wees (internasionale blootstelling vereis)
• Vermoë om effektief en selfstandig afgeleë (remote) te werk

Ideale Kandidaat:

• Detailgedrewe met uitstekende organisasievaardighede
• Sterk kliëntediensfokus met internasionale standaard
• Eienaarskapmentaliteit en vermoë om onafhanklik te funksioneer
• Professioneel, betroubaar en resultaatgedrewe
• Passievol oor die safari- en wildbedryf

Diensaanvaarding: So gou as moontlik

Aansoeke sluit: 3 April 2026

Markverwante basiese salaris, aantreklike kommissie-gebaseerde aantreklike aansporings, uitstekende groeipotensiaal binne die Organisasie en unieke blootstelling aan internasionale markte en netwerke.

Aansoeke word slegs deur die skakel hier aanvaar:👉 [aansoekvorm]